تسکین دل محزوں نہ ہوئی وہ سعئ کرم فرما بھی گئے
تسکین دل محزوں نہ ہوئی وہ سعئ کرم فرما بھی گئے اس سعئ کرم کو کیا کہیے بہلا بھی گئے تڑپا بھی گئے ہم عرض وفا بھی کر نہ سکے کچھ کہہ نہ سکے کچھ سن نہ سکے یاں ہم نے زباں ہی کھولی تھی واں آنکھ جھکی شرما بھی گئے آشفتگیٔ وحشت کی قسم حیرت کی قسم حسرت کی قسم اب آپ کہیں کچھ یا نہ کہیں ہم راز تبسم پا بھی گئے روداد غم الفت ان سے ہم کیا کہتے کیوں کر کہتے اک حرف نہ نکلا ہونٹوں سے اور آنکھ میں آنسو آ بھی گئے ارباب جنوں پر فرقت میں اب کیا کہئے کیا کیا گزری آئے تھے سواد الفت میں کچھ کھو بھی گئے کچھ پا بھی گئے یہ رنگ بہار عالم ہے کیوں فکر ہے تجھ کو اے ساقی محفل تو تری سونی نہ ہوئی کچھ اٹھ بھی گئے کچھ آ بھی گئے اس محفل کیف و مستی میں اس انجمن عرفانی میں سب جام بکف بیٹھے ہی رہے ہم پی بھی گئے چھلکا بھی گئے
English rendering
Taskin-e-dil-e-mahzoon na hui woh sa'i-e-karam farma bhi gaye Is sa'i-e-karam ko kya kahiye behla bhi gaye tadpa bhi gaye Hum arz-e-wafa bhi kar na sake kuch keh na sake kuch sun na sake Yan hum ne zuban hi kholi thi wan aankh jhuki sharma bhi gaye Aashuftagi-e-wahshat ki qasam hairat ki qasam hasrat ki qasam Ab aap kahein kuch ya na kahein hum raaz-e-tabassum pa bhi gaye Roodad-e-gham-e-ulfat un se hum kya kehte kyun kar kehte Ik harf na nikla honton se aur aankh mein aansu aa bhi gaye Arbab-e-junoon par furqat mein ab kya kahiye kya kya guzri Aaye the sawad-e-ulfat mein kuch kho bhi gaye kuch pa bhi gaye Ye rang-e-bahar-e-alam hai kyun fikr hai tujh ko aye saqi Mahfil to teri sooni na hui kuch uth bhi gaye kuch aa bhi gaye Is mahfil-e-kaif o masti mein is anjuman-e-irfani mein Sab jaam ba-kaf baithe hi rahe hum pi bhi gaye chhalka bhi gaye