اب خانماں خراب کی منزل یہاں نہیں — باقر مہدی
شاعر
اب خانماں خراب کی منزل یہاں نہیں
اب خانماں خراب کی منزل یہاں نہیں
کہنے کو آشیاں ہے مگر آشیاں نہیں
عشق ستم نواز کی دنیا بدل گئی
حسن وفا شناس بھی کچھ بدگماں نہیں
میرے صنم کدے میں کئی اور بت بھی ہیں
اک میری زندگی کے تمہیں راز داں نہیں
تم سے بچھڑ کے مجھ کو سہارا تو مل گیا
یہ اور بات ہے کہ میں کچھ شادماں نہیں
اپنے حسین خواب کی تعبیر خود کرے
اتنا تو معتبر یہ دل ناتواں نہیں
زلف دراز قصۂ غم میں الجھ نہ جائے
اندیشہ ہائے عشق کہاں ہیں کہاں نہیں
ہر ہر قدم پہ کتنے ستارے بکھر گئے
لیکن رہ حیات ابھی کہکشاں نہیں
سیلاب زندگی کے سہارے بڑھے چلو
ساحل پہ رہنے والوں کا نام و نشاں نہیں
باقر مہدی
Ab khanuman kharab ki manzil yahan nahin
Ab khanuman kharab ki manzil yahan nahin
Kehne ko aashiyan hai magar aashiyan nahin
Ishq sitam-nawaz ki duniya badal gayi
Husn wafa-shanas bhi kuchh bad-gumaan nahin
Mere sanam-kade mein kai aur but bhi hain
Ik meri zindagi ke tumhein raaz-daan nahin
Tum se bichhaD ke mujh ko sahara to mil gaya
Yeh aur baat hai ke main kuchh shadmaan nahin
Apne haseen khwab ki taabeer khud kare
Itna to mo'tabar yeh dil-e-natavaan nahin
Zulf-e-daraaz qissa-e-gham mein ulajh na jaaye
Andesha-haaye-ishq kahan hain kahan nahin
Har har qadam pe kitne sitare bikhar gaye
Lekin rah-e-hayat abhi kahkashaan nahin
Sailab-e-zindagi ke sahare baRhe chalo
Sahil pe rehne walon ka naam-o-nishaan nahin
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں