اشک میرے ہیں مگر دیدۂ نم ہے اس کا — باقر مہدی
شاعر
اشک میرے ہیں مگر دیدۂ نم ہے اس کا
اشک میرے ہیں مگر دیدۂ نم ہے اس کا
یہ جو ہونٹوں پہ تبسم ہے کرم ہے اس کا
ان کہی بات بھلا لکھوں تو لکھوں کیسے
سادے کاغذ پہ کوئی راز رقم ہے اس کا
فاصلے ایسے کہ اک عمر میں طے ہو نہ سکیں
قربتیں ایسی کہ خود مجھ میں جنم ہے اس کا
سنگ و آہن کا بڑا شہر بھی ویرانہ لگے
یہ جنوں میرا ہے اور دشت ستم ہے اس کا
درد بن کر مرے سینے میں پڑا رہتا ہے
یہ مرا دل ہے کہ اک نقش قدم ہے اس کا؟
ایک طوفاں کی طرح کب سے کنارہ کش ہے
پھر بھی باقرؔ مری نظروں میں بھرم ہے اس کا
باقر مہدی
Ashk mere hain magar dida-e-nam hai us ka
Ashk mere hain magar dida-e-nam hai us ka
Ye jo honton pe tabassum hai karam hai us ka
Un kahi baat bhala likhun to likhun kaise
Saade kagaz pe koi raaz raqam hai us ka
Fasle aise ki ek umr mein tai ho na saken
Qurbaten aisi ki khud mujh mein janam hai us ka
Sang-o-aahan ka bada shahr bhi veerana lage
Ye junoon mera hai aur dasht-e-sitam hai us ka
Dard ban kar mere seene mein pada rahta hai
Ye mera dil hai ki ek naqsh-e-qadam hai us ka?
Ek toofan ki tarah kab se kinara-kash hai
Phir bhi Baqir meri nazron mein bharam hai us ka
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں