بہت ذی فہم ہیں دنیا کو لیکن کم سمجھتے ہیں! — باقر مہدی
شاعر
بہت ذی فہم ہیں دنیا کو لیکن کم سمجھتے ہیں!
بہت ذی فہم ہیں دنیا کو لیکن کم سمجھتے ہیں!
عجب قصہ ہے سب کچھ جان کر مبہم سمجھتے ہیں
ہوائیں تیز تر ہیں آج بادل آنے والے ہیں
تڑپتے سرد جھونکوں کو بھی سب موسم سمجھتے ہیں
زمیں کروٹ بدلتی ہے نئے رنگوں میں ڈھلتی ہے
نجومی کس طرح دنیا کے پیچ و خم سمجھتے ہیں
فلک غائب ہوا یہ چاند تارے خاکداں سے ہیں
انہیں بھی لوگ اک دنیا نیا عالم سمجھتے ہیں
بہت دانائے راز آئے ہزاروں نکتہ داں آئے
سمجھنے کے لیے وہ زندگی کو غم سمجھتے ہیں
ہوئی تخلیق کیسے آج تک کوئی نہیں سمجھا
نکالے کب گئے یہ حضرت آدم سمجھتے ہیں
نہ کوئی اشک شوئی ہے نہ چہرہ زرد ہے باقرؔ
ہماری خامشی کو پھر بھی وہ ماتم سمجھتے ہیں
باقر مہدی
Bahut zi fehm hain duniya ko lekin kam samajhte hain!
Bahut zi fehm hain duniya ko lekin kam samajhte hain!
Ajab qissa hai sab kuchh jaan kar mubham samajhte hain
Hawaein tez-tar hain aaj badal aane wale hain
TaDapte sard jhonkon ko bhi sab mausam samajhte hain
Zameen karvat badalti hai naye rangon mein Dhalti hai
Nujoomi kis tarah duniya ke pech-o-kham samajhte hain
Falak ghaib hua yeh chand tare khakdaan se hain
Unhein bhi log ek duniya naya alam samajhte hain
Bahut danaye raaz aaye hazaron nukta-daan aaye
Samajhne ke liye woh zindagi ko gham samajhte hain
Hui takhleeq kaise aaj tak koi nahin samjha
Nikale kab gaye yeh hazrat-e-adam samajhte hain
Na koi ashk-shoi hai na chehra zard hai Baqirؔ
Hamari khamoshi ko phir bhi woh matam samajhte hain
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں