برسوں پڑھ کر سرکش رہ کر زخمی ہو کر سمجھا میں — باقر مہدی
شاعر
برسوں پڑھ کر سرکش رہ کر زخمی ہو کر سمجھا میں
برسوں پڑھ کر سرکش رہ کر زخمی ہو کر سمجھا میں
ہر کوچہ ہے کوچۂ قاتل زخمی ہو کر سنبھلا میں
طوفانی جذبوں سے بچ کر دور تلک کیسے جاتا؟
ایک جزیرہ بن کر آخر لہروں لہروں ٹھہرا میں
کتنے آدرشوں کے شیشے رگ رگ میں آزار بنے
لڑتے لڑتے تھک کر دیکھا سایہ تھا اور تنہا میں
آئینہ کیا کس کو دکھاتا گلی گلی حیرت بکتی تھی
نقاروں کا شور تھا ہر سو سچے سب اور جھوٹا میں
باقرؔ تیز شعاعوں سے سب مومی چہرے پگھل گئے
صبح تلک پتھریلے غم تھے اور تھا ٹوٹا پھوٹا میں
باقر مہدی
Barson padh kar sarkash rah kar zakhmi ho kar samjha main
Barson padh kar sarkash rah kar zakhmi ho kar samjha main
Har koocha hai koocha-e-qatil zakhmi ho kar sambhla main
Toofani jazbon se bach kar door talak kaise jaata?
Ek jazira ban kar akhir lahron lahron thehra main
Kitne aadarshon ke sheeshe rag rag mein aazaar bane
Ladte ladte thak kar dekha saaya tha aur tanha main
Aainaa kya kis ko dikhata gali gali hairat bikti thi
Naqqaron ka shor tha har soo sachche sab aur jhoota main
Baqirؔ tez shuaon se sab momi chehre pighal gaye
Subah talak pathreele gham the aur tha toota-phoota main
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں