بجھی بجھی ہے صدائے نغمہ کہیں کہیں ہیں رباب روشن — باقر مہدی
شاعر
بجھی بجھی ہے صدائے نغمہ کہیں کہیں ہیں رباب روشن
بجھی بجھی ہے صدائے نغمہ کہیں کہیں ہیں رباب روشن
ٹھہر ٹھہر کے گرے ہیں آنسو بکھر بکھر کے ہیں خواب روشن
سوال مبہوت سے کھڑے ہیں کہ جیسے سینوں میں دل نہیں ہیں
افق کے اس پار جا کے دیکھو شکستہ مضطر جواب روشن
وہ بیکسی ہے کہ العطش کی صدائیں خاموش ہو گئی ہیں
کہاں ہے کوئی حسین یارو کہ ہر طرف ہے سراب روشن
عجیب غم ناک ہیں ہوائیں لہو لہو ہے فضائے گنگا
تڑپتی موجیں شکستہ کشتی بجھے دیے اور حباب روشن
غلام گردش میں ہے اندھیرا ہے دم بخود سرخ سا سویرا
کفن پہن کر نکل چکے ہیں غریب باقرؔ نواب روشن
باقر مہدی
Bujhi bujhi hai sada-e-naghma kahin kahin hain rubab roshan
Bujhi bujhi hai sada-e-naghma kahin kahin hain rubab roshan
Thehar thehar ke gire hain aansoo bikhar bikhar ke hain khwab roshan
Sawal mabhoot se khade hain ke jaise seenon mein dil nahin hain
Ufaq ke us paar ja ke dekho shikasta muztar jawab roshan
Woh be-kasi hai ke al-atash ki sadaein khamosh ho gai hain
Kahan hai koi Husain yaaro ke har taraf hai sarab roshan
Ajeeb gham-nak hain hawaein lahoo lahoo hai fiza-e-Ganga
Tarapti maujein shikasta kashti bujhe diye aur habab roshan
Ghulam gardish mein hai andhera hai dam ba-khud surkh sa savera
Kafan pehan kar nikal chuke hain ghareeb Baqirؔ nawab roshan
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں