چراغ حسرت و ارماں بجھا کے بیٹھے ہیں — باقر مہدی
شاعر
چراغ حسرت و ارماں بجھا کے بیٹھے ہیں
چراغ حسرت و ارماں بجھا کے بیٹھے ہیں
ہر ایک طرح سے خود کو جلا کے بیٹھے ہیں
نہ کوئی راہ گزر ہے نہ کوئی ویرانہ
غم حیات میں سب کچھ لٹا کے بیٹھے ہیں
جنوں کی حد ہے کہ ہوش و خرد کی منزل ہے
خبر نہیں ہے کہاں آج آ کے بیٹھے ہیں
کبھی جو دل نے کہا اب چلو یہاں سے چلیں
تو اٹھ کے عالم وحشت میں جا کے بیٹھے ہیں
یہ کس جگہ پہ قدم رک گئے ہیں کیا کہیے
کہ منزلوں کے نشاں تک مٹا کے بیٹھے ہیں
باقر مہدی
Charagh-e-hasrat-o-armaan bujha ke baithe hain
Charagh-e-hasrat-o-armaan bujha ke baithe hain
Har ek tarah se khud ko jala ke baithe hain
Na koi raahguzar hai na koi veerana
Gham-e-hayaat mein sab kuchh luta ke baithe hain
Junoon ki had hai ki hosh-o-khirad ki manzil hai
Khabar nahin hai kahan aaj aa ke baithe hain
Kabhi jo dil ne kaha ab chalo yahan se chalen
To uth ke alam-e-wahshat mein ja ke baithe hain
Ye kis jagah pe qadam ruk gaye hain kya kahiye
Ki manzilon ke nishan tak mita ke baithe hain
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں