درد دل آج بھی ہے جوش وفا آج بھی ہے — باقر مہدی
شاعر
درد دل آج بھی ہے جوش وفا آج بھی ہے
درد دل آج بھی ہے جوش وفا آج بھی ہے
زخم کھانے کا محبت میں مزا آج بھی ہے
گرمئ عشق نگاہوں میں نہیں ہے نہ سہی
مسکراتی ہوئی آنکھوں میں حیا آج بھی ہے
حسن پابند قفس عشق اسیر آلام
زندگی جرم محبت کی سزا آج بھی ہے
حسرتیں زیست کا سرمایہ بنی جاتی ہیں
سینۂ عشق پہ وہ مشق جفا آج بھی ہے
دامن صبر کے ہر تار سے اٹھتا ہے دھواں
اور ہر زخم پہ ہنگامہ اٹھا آج بھی ہے
اپنے آلام و مصائب کا وہی درماں ہے
درد کا حد سے گزرنا ہی دوا آج بھی ہے
میرؔ و غالبؔ کے زمانے سے نئے دور تلک
شاعر ہند گرفتار بلا آج بھی ہے
باقر مہدی
Dard-e-dil aaj bhi hai josh-e-wafa aaj bhi hai
Dard-e-dil aaj bhi hai josh-e-wafa aaj bhi hai
Zakhm khane ka mohabbat mein maza aaj bhi hai
Garmi-e-ishq nigahon mein nahin hai na sahi
Muskurati hui aankhon mein haya aaj bhi hai
Husn paband-e-qafas ishq aseer-e-alaam
Zindagi jurm-e-mohabbat ki saza aaj bhi hai
Hasraten zeest ka sarmaya bani jaati hain
Seena-e-ishq pe wo mashq-e-jafa aaj bhi hai
Daman-e-sabr ke har taar se uthta hai dhuan
Aur har zakhm pe hangama utha aaj bhi hai
Apne alaam-o-masaaib ka wahi darmaan hai
Dard ka had se guzarna hi dawa aaj bhi hai
Meer-o-Ghalib ke zamane se naye daur talak
Shaer-e-hind giraftaar-e-bala aaj bhi hai
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں