فریب کھا کے بھی شرمندۂ سکوں نہ ہوئے (ردیف .. ا) — باقر مہدی
شاعر
فریب کھا کے بھی شرمندۂ سکوں نہ ہوئے (ردیف .. ا)
فریب کھا کے بھی شرمندۂ سکوں نہ ہوئے
نہ کم ہوا کسی منزل پہ ولولہ دل کا
یہ سوچ کر تری محفل سے ہم چلے آئے
کہ ایک بار تو بڑھ جائے حوصلہ دل کا
پلٹ کے اب نہ کبھی لکھنؤ سے گزرے گا
نکل گیا ہے بہت دور قافلہ دل کا
حریف عشق کوئی ہو حریف غم تو نہیں
کسی سے ہو نہ سکے گا مقابلہ دل کا
کوئی کسی کا نہیں ہم زباں زمانے میں
کریں تو کس سے کریں جا کے اب گلہ دل کا
شکست کھانے کا یارا نہیں پہ کیا کیجے
اک اجنبی سے پڑا ہے مقابلہ دل کا
تمہاری نذر بھی لائے جو ہم تو کیا لائے
ذرا سنبھال کے رکھنا یہ آبلہ دل کا
باقر مہدی
Faraib kha ke bhi sharminda sukoon na hue (radeef .. a)
Faraib kha ke bhi sharminda sukoon na hue
Na kam hua kisi manzil pe walwala dil ka
Yeh soch kar teri mehfil se hum chale aaye
Ke ek baar to baRh jaaye hausla dil ka
Palat ke ab na kabhi Lucknow se guzrega
Nikal gaya hai bahut door qafla dil ka
Hareef-e-ishq koi ho hareef-e-gham to nahin
Kisi se ho na sake ga muqabla dil ka
Koi kisi ka nahin ham-zabaan zamane mein
Karein to kis se karein jaa ke ab gila dil ka
Shikast khaane ka yaara nahin pe kya keejiye
Ek ajnabi se paDa hai muqabla dil ka
Tumhari nazar bhi laaye jo hum to kya laaye
Zara sambhal ke rakhna yeh aabla dil ka
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں