گونجتا شہروں میں تنہائی کا سناٹا تو ہے — باقر مہدی
شاعر
گونجتا شہروں میں تنہائی کا سناٹا تو ہے
گونجتا شہروں میں تنہائی کا سناٹا تو ہے
بے کسی کا ہم نوا اب تک وہی سایا تو ہے
ٹوٹتی جاتی ہیں امیدوں کی زنجیریں مگر
ٹھوکریں کھانے کو مجبوری کا اک صحرا تو ہے
چاند کیا نکلے گا خوابوں کی اندھیری رات ہے
دور تک تارا خیالوں کا مگر چمکا تو ہے
بوڑھے سرکش زرگری میں رہزنوں کے ساتھ ہیں
انقلاب نو کا وہ پندار اب ٹوٹا تو ہے
ان خطیبوں کا طلسم لن ترانی توڑ دے
اس ہجوم بے نوایاں میں کوئی ایسا تو ہے
قصۂ آدم کی تلخی زندگی کے ساتھ ہے
جنتیں لاکھوں بنا کر آدمی تنہا تو ہے
شور ہے ڈوبیں ہزاروں عظمتیں تاریخ کی
کتنی خاموشی سے بہتا وقت کا دھارا تو ہے
مسکرا کر زیر لب شاید یہی کہتے ہیں وہ
لاکھ سودائی سہی باقرؔ مگر اپنا تو ہے
باقر مہدی
Goonjta shehron mein tanhai ka sannata to hai
Goonjta shehron mein tanhai ka sannata to hai
Be-kasi ka ham-nawa ab tak wohi saaya to hai
Tootti jaati hain ummeedon ki zanjeerein magar
Thokarein khaane ko majboori ka ek sehra to hai
Chand kya niklega khwabon ki andheri raat hai
Door tak taara khayalon ka magar chamka to hai
BooDhe sarkash zargari mein rahzanon ke saath hain
Inqilab-e-nau ka woh pindaar ab toota to hai
In khateebon ka tilism-e-lan-tarani toD de
Is hujoom-e-be-nawayan mein koi aisa to hai
Qissa-e-adam ki talkhi zindagi ke saath hai
Jannatein lakhon bana kar aadmi tanha to hai
Shor hai doobin hazaron azmatein tareekh ki
Kitni khamoshi se behta waqt ka dhaara to hai
Muskura kar zer-e-lab shayad yehi kehte hain woh
Lakh saudai sahi Baqirؔ magar apna to hai
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں