اس درجہ ہوا خوش کہ ڈرا دل سے بہت میں (ردیف .. ا) — باقر مہدی
شاعر
اس درجہ ہوا خوش کہ ڈرا دل سے بہت میں (ردیف .. ا)
اس درجہ ہوا خوش کہ ڈرا دل سے بہت میں
خود توڑ دیا بڑھ کے تمناؤں کا دھاگا
تاکہ نہ بنوں پھر کہیں اک بندۂ مجبور
ہاں قید محبت سے یہی سوچ کے بھاگا
ٹھوکر جو لگی اپنے عزائم نے سنبھالا
میں نے تو کبھی کوئی سہارا نہیں مانگا
چلتا رہا میں ریت پہ پیاسا تن تنہا
بہتی رہی کچھ دور پہ اک پیار کی گنگا
میں تجھ کو مگر جان گیا شمع تمنا
سمجھی تھی کہ جل جائے گا شاعر ہے پتنگا
آنکھوں میں ابھی تک ہے خمار غم جاناں
جیسے کہ کوئی خواب محبت سے ہے جاگا
جو خود کو بدل دیتے ہیں اس دور میں باقرؔ
کرتے ہیں حقیقت میں وہ سونے پہ سہاگا
باقر مہدی
Is darja hua khush ke dara dil se bahut main (radeef .. a)
Is darja hua khush ke dara dil se bahut main
Khud tod diya badh ke tamannaon ka dhaga
Taake na banun phir kahin ik banda majboor
Haan qaid-e-mohabbat se yahi soch ke bhaga
Thokar jo lagi apne azaa'im ne sambhala
Main ne to kabhi koi sahara nahin manga
Chalta raha main ret pe pyaasa tan-tanha
Bahti rahi kuch door pe ik pyaar ki Ganga
Main tujh ko magar jaan gaya shama-e-tamanna
Samjhi thi ke jal jaayega shaa'ir hai patanga
Aankhon mein abhi tak hai khumar-e-gham-e-jaanaan
Jaise ke koi khwab-e-mohabbat se hai jaaga
Jo khud ko badal dete hain is daur mein Baqirؔ
Karte hain haqeeqat mein woh sone pe suhaaga
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں