کون بھلا یہ کہتا ہے خود آ کے ہم کو منائیں آپ — باقر مہدی
شاعر
کون بھلا یہ کہتا ہے خود آ کے ہم کو منائیں آپ
کون بھلا یہ کہتا ہے خود آ کے ہم کو منائیں آپ
ٹوٹا دل اب کیسے جڑے گا سچی قسمیں نہ کھائیں آپ
پتھر سینے پر رکھ لیں گے جیتے جی جائیں گے
آپ کو قاتل کون کہے گا کیوں ناحق گھبرائیں آپ
راہ وفا پر چلتے چلتے اپنی عظمت بھول گئے تھے
چھوڑی ہم نے رسم پرستش اب نہ کرم فرمائیں آپ
سحر کیا اعجاز کیا ہے درد کا شعلہ برف بنا ہے
ترک محبت ہم کو مبارک کیوں ناحق پچھتائیں آپ
جوش جنوں کا دور نہیں ہے دل کے سکوں کا دور نہیں ہے
غم ہے نیا کیسے کم ہوگا آئیں آپ نہ آئیں آپ
تشنہ لبی کچھ اور بڑھی ہے مے خواری کی دھوم مچی ہے
آخر ہم سے رند بلاکش کیسے پیاس بجھائیں آپ
باقر مہدی
Kaun bhala yeh kehta hai khud aa ke hum ko manayein aap
Kaun bhala yeh kehta hai khud aa ke hum ko manayein aap
Toota dil ab kaise juDega sachi qasmein na khayein aap
Patthar seene par rakh lenge jeete jee jayein ge
Aap ko qatil kaun kahe ga kyun nahaq ghabrayein aap
Raah-e-wafa par chalte chalte apni azmat bhool gaye the
ChhoDi hum ne rasm-e-parastish ab na karam farmayein aap
Sehar kya ejaz kya hai dard ka shola barf bana hai
Tark-e-mohabbat hum ko mubarak kyun nahaq pachhtayein aap
Josh-e-junoon ka daur nahin hai dil ke sukoon ka daur nahin hai
Gham hai naya kaise kam hoga aayein aap na aayein aap
Tishna-labi kuchh aur baDhi hai mai-khwari ki dhoom machi hai
Aakhir hum se rind-e-balakash kaise pyaas bujhayein aap
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں