خبر سنے گا مری موت کی تو خوش ہوگا — باقر مہدی
شاعر
خبر سنے گا مری موت کی تو خوش ہوگا
خبر سنے گا مری موت کی تو خوش ہوگا
کہ اب تو جا کے دوانے کو چین آئے گا
ملیں گے مجھ سے کہیں اچھے جاں نثار تجھے
مگر کبھی تو مرا ذکر آ ہی جائے گا
نہ ایسا ہو مگر ایسا ہوا تو کیا ہوگا
سکوں تلاش کرے گا کہیں نہ پائے گا
عجیب دور ہے کچھ بھی یہاں پہ ممکن ہے
جو یاد رکھنا بھی چاہا تو بھول جائے گا
زمانہ گزرے گا ٹوٹیں گے سیکڑوں رشتے
پھر ایک شخص فسانہ مرا سنائے گا
کوئی ہنسے گا دوانے کی زندگی پہ مگر
کسی کی آنکھ میں اک اشک آ ہی جائے گا
نہ دوستوں کی شکایت نہ دشمنوں کا گلا
یہ سوچتا ہوں کسے کون اب منائے گا
باقر مہدی
Khabar sunega meri maut ki to khush hoga
Khabar sunega meri maut ki to khush hoga
Ki ab to ja ke deewane ko chain aayega
Milen ge mujh se kahin achhe jaan-nisar tujhe
Magar kabhi to mera zikr aa hi jaayega
Na aisa ho magar aisa hua to kya hoga
Sukoon talash karega kahin na paayega
Ajeeb daur hai kuchh bhi yahan pe mumkin hai
Jo yaad rakhna bhi chaha to bhool jaayega
Zamana guzrega tootenge sainkadon rishte
Phir ek shakhs fasana mera sunaayega
Koi hansega deewane ki zindagi pe magar
Kisi ki aankh mein ek ashk aa hi jaayega
Na doston ki shikayat na dushmanon ka gila
Ye sochta hoon kise kaun ab manaayega
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں