خامشی — باقر مہدی
شاعر
خامشی
کوئی امیج کسی بات کا حسیں سایہ
نئے پرانے خیالوں کا اک اچھوتا میل
کسی کی یاد کا بھٹکا ہوا کوئی جگنو
کسی کے نیلے سے کاغذ پہ چند ادھورے لفظ
بغاوتوں کا پرانا گھسا پٹا نعرہ
کسی کتاب میں زندہ مگر چھپی امید
پرانی غزلوں کی اک راکھ بے دلی ایسی
خود اپنے آپ سے الجھن عجیب بے زاری
غرض کہ موڈ کے سو رنگ آئینے پرتو
مگر یہ کیا ہوا اب کچھ بھی لکھ نہیں سکتا
نہ جانے کب سے یہ بے معنی خامشی بے محیط
خود اپنے سائے سے میں چھٹ گیا ہوں یا شاید
کہیں میں لفظوں کی دنیا کو چھوڑ آیا ہوں
باقر مہدی
Khamoshi
Koi image kisi baat ka haseen saaya
Naye purane khayalon ka ek achhoota mel
Kisi ki yaad ka bhatka hua koi jugnu
Kisi ke neele se kaghaz pe chand adhoore lafz
Baghawaton ka purana ghisa pita na'ara
Kisi kitaab mein zinda magar chhupi umeed
Purani ghazlon ki ek raakh be-dili aisi
Khud apne aap se uljhan ajeeb be-zaari
Gharz ke mod ke sau rang aayine parto
Magar yeh kya hua ab kuch bhi likh nahin sakta
Na jaane kab se yeh be-maani khamoshi be-muheet
Khud apne saaye se main chhut gaya hun ya shayad
Kahin main lafzon ki duniya ko chhod aaya hun
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں