کسی پہ کوئی بھروسہ کرے تو کیسے کرے (ردیف .. ا) — باقر مہدی
شاعر
کسی پہ کوئی بھروسہ کرے تو کیسے کرے (ردیف .. ا)
کسی پہ کوئی بھروسہ کرے تو کیسے کرے
کہ آنسوؤں کے سوا اور کوئی کیا دے گا
بہت ہوا تو تبسم کے چند پھولوں کو
نگاہ شوخ کے ہاتھوں سے بے وفا دے گا
چلے تو جاتے ہو روٹھے ہوئے مگر سن لو
ہر ایک موڑ پہ کوئی تمہیں صدا دے گا
عجیب منزل حیرت میں ہے جہان خراب
کہ جیسے ہم سے دوانوں کو بھی سزا دے گا
ہمارے شعر میں پنہاں ہے روشنی غم کی
ذرا سنو تو سر شام یہ ضیا دے گا
باقر مہدی
Kisi pe koi bharosa kare to kaise kare (radeef .. a)
Kisi pe koi bharosa kare to kaise kare
Ki aansuon ke siwa aur koi kya dega
Bahut hua to tabassum ke chand phoolon ko
Nigah-e-shokh ke hathon se bewafa dega
Chale to jaate ho roothe hue magar sun lo
Har ek mod pe koi tumhen sada dega
Ajeeb manzil-e-hairat mein hai jahan kharab
Ki jaise hum se deewanon ko bhi saza dega
Hamare sher mein pinhan hai roshni gham ki
Zara suno to sar-e-sham ye ziya dega
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں