کوئی حرف نفی نہ کام آیا (ردیف .. ی) — باقر مہدی
شاعر
کوئی حرف نفی نہ کام آیا (ردیف .. ی)
کوئی حرف نفی نہ کام آیا
کتنی سچی تھی دوستی اپنی
ٹھوکریں کھا کے کے سرخ رو ٹھہرا
اک دعا ہے یہ زندگی اپنی
اب کہاں ہے کوئی حریف اپنا
خوب ڈرتی ہے بے کسی اپنی
کیسے تاریخ کو بھلا ڈالوں
خوں میں ڈوبی ہے یہ صدی اپنی
کچھ نہ کھاتا ہوں کچھ نہ پیتا ہوں
بھوکی سوتی ہے مفلسی اپنی
خالی بوتل تکا ہی کرتی ہے
کتنی پیاسی ہے مے کشی اپنی
شاید اپنا خدا تراش لیا
اب کہاں ہے وہ بندگی اپنی
شاید اقبالؔ سے ڈری ہوگی
پہلے سرشار تھی خودی اپنی
سارے الفاظ ساتھ چھوڑ گئے
سادہ کاغذ ہے شاعری اپنی
کارواں چھوڑ کے وہ آیا ہے
اک مسافر ہے رہبری اپنی
باقر مہدی
Koi harf-e-nafi na kaam aaya (radeef .. i)
Koi harf-e-nafi na kaam aaya
Kitni sachchi thi dosti apni
Thokarein kha ke ke surkh-roo thehra
Ek dua hai yeh zindagi apni
Ab kahan hai koi harif apna
Khoob darti hai be-kasi apni
Kaise tareekh ko bhula daloon
Khoon mein doobi hai yeh sadi apni
Kuchh na khata hoon kuchh na peeta hoon
Bhooki soti hai muflisi apni
Khaali botal taka hi karti hai
Kitni pyaasi hai mai-kashi apni
Shayad apna Khuda tarash liya
Ab kahan hai woh bandagi apni
Shayad Iqbalؔ se dari hogi
Pehle sarshaar thi khudi apni
Saare alfaaz saath chhod gaye
Saada kaghaz hai shairi apni
Karwaan chhod ke woh aaya hai
Ek musafir hai rahbari apni
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں