کیا کیا نہیں کیا مگر ان پر اثر نہیں — باقر مہدی
شاعر
کیا کیا نہیں کیا مگر ان پر اثر نہیں
کیا کیا نہیں کیا مگر ان پر اثر نہیں
شاید کہ اپنی سعئ جنوں کار گر نہیں
گھبرا کے چاہتے ہیں کہ گردش میں ہم رہیں
منزل کہیں نہ ہو کوئی ایسا سفر نہیں
مل جائے ایک رات محبت کی زندگی
پھر خواہش حیات ہمیں عمر بھر نہیں
آوارگی میں لطف و اذیت کے باوجود
ایسا نہیں ہوا ہے کہ فکر سحر نہیں
باقر مہدی
Kya kya nahin kiya magar un par asar nahin
Kya kya nahin kiya magar un par asar nahin
Shayad ke apni sa'i-e-junoon kaar-gar nahin
Ghabra ke chahte hain ke gardish mein hum rahein
Manzil kahin na ho koi aisa safar nahin
Mil jaaye ek raat mohabbat ki zindagi
Phir khwahish-e-hayaat hamein umr bhar nahin
Aawargi mein lutf-o-aziyat ke ba-wajood
Aisa nahin hua hai ke fikr-e-sehar nahin
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں