محفلوں میں جا کے گھبرایا کیے — باقر مہدی
شاعر
محفلوں میں جا کے گھبرایا کیے
محفلوں میں جا کے گھبرایا کیے
دل کو اپنے لاکھ سمجھایا کیے
یاس کی گہرائیوں میں ڈوب کر
زخم دل سے خود کو بہلایا کیے
تشنگی میں یاس و حسرت کے چراغ
غم کدے میں اپنے جل جایا کیے
خود فریبی کا یہ عالم تھا کہ ہم
آئینہ دنیا کو دکھلایا کیے
خون دل عنوان ہستی بن گیا
ہم تو اپنے ساز پر گایا کیے
باقر مہدی
Mehfilon mein ja ke ghabraya kiye
Mehfilon mein ja ke ghabraya kiye
Dil ko apne lakh samjhaya kiye
Yaas ki gehraiyon mein doob kar
Zakhm-e-dil se khud ko behlaya kiye
Tishnagi mein yaas-o-hasrat ke chiragh
Gham-kade mein apne jal jaaya kiye
Khud-farebi ka yeh aalam tha ke hum
Aaina duniya ko dikhlaya kiye
Khoon-e-dil unwan-e-hasti ban gaya
Hum to apne saaz par gaaya kiye
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں