نروان — باقر مہدی
شاعر
نروان
اک خوشبو درد سر کی مرجھائی کلیوں کو کھلائے جاتی ہے
ذہن میں بچھو امیدوں کے ڈنک لگاتے ہیں
ہچکی لے کر پھر خود ہی مر جاتے ہیں
دل کی دھڑکن سچائی کے تلخ دھوئیں کو گہرا کرتی پیہم بڑھتی جاتی ہے
پیٹ میں بھوک ڈکاریں لیتی رہتی ہے
پھر رگ رگ میں سوئیاں بن کر بھاگی بھاگی پھرتی ہے
پورے جسم میں درد کا اک لاوا سا بہتا رہتا ہے
ایسا مجھ کو لگتا ہے
جیسے میں
آخری قے میں اس دنیا کی ساری غذائیں خواب و حقیقت کی آلائش
آدرشوں کی میٹھی شرابیں
اک بے معنی کشش میں الجھا
یہ جیون
سارا کا سارا اگل دوں گا
شاید مجھ کو اس لمحے نروان ملے
باقر مہدی
Nirwan
Ek khushboo dard-e-sar ki murjhayi kaliyon ko khilaaye jaati hai
Zehn mein bichchhoo ummeedon ke dank lagate hain
Hichki le kar phir khud hi mar jaate hain
Dil ki dhadkan sachchaai ke talkh dhuein ko gehra karti paiham badhti jaati hai
Pet mein bhook dakaarein leti rehti hai
Phir rag rag mein suiyaan ban kar bhaagi bhaagi phirti hai
Poore jism mein dard ka ek laawa sa behta rehta hai
Aisa mujh ko lagta hai
Jaise main
Aakhiri qay mein is duniya ki saari ghizayein khwab-o-haqeeqat ki aalaish
Aadarshon ki meethi sharabein
Ek be-maani kashish mein uljha
Yeh jeewan
Saara ka saara ugal doon ga
Shayad mujh ko is lamhe Nirwan mile
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں