ریت اور درد — باقر مہدی
شاعر
ریت اور درد
مدتیں گزریں مرے دل کو ہوئے ویرانہ
آندھیاں بھی نہیں آتیں
کہ اڑے ریت مٹے نقش سراب
اور اک درد کا چشمہ
مندمل زخموں سے پھوٹے نئی خنکی لے کر
پیاس جاگ اٹھے سکوت دل مضطر ٹوٹے
تاکہ میں دیکھ سکوں
اپنی بے خواب سی آنکھوں سے وہ منظر اک دن
ریت کے تودے فضاؤں میں اڑے جاتے ہیں
اور خوش ہو کے کہوں
زندگی ریت سہی درد کا چشمہ بھی تو ہے
باقر مہدی
Ret aur dard
Muddatein guzreen mere dil ko hue veerana
Aandhiyaan bhi nahin aati
Ke ude ret mite naqsh-e-saraab
Aur ek dard ka chashma
Mundamil zakhmon se phoote nayi khunki le kar
Pyaas jaag uthe sukoot-e-dil-e-muztar toote
Taake main dekh sakoon
Apni be-khwaab si aankhon se woh manzar ek din
Ret ke tode fizaon mein ude jaate hain
Aur khush ho ke kahun
Zindagi ret sahi dard ka chashma bhi to hai
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں