باتیں نہ کرے کیوں دل ناشاد تمہاری
باتیں نہ کرے کیوں دل ناشاد تمہاری ہر وقت ستاتی ہے اسے یاد تمہاری کچھ منہ سے نہیں کہتے ہیں ہم عشق کے مارے خاموش سہا کرتے ہیں بیداد تمہاری آنکھوں میں بھرے کس کے ہیں آنسو یہ بتاؤ فریاد ہماری ہے کہ فریاد تمہاری ہم تو یہ سمجھتے ہیں کہ تم مل بھی گئے تو بے چین ہی رکھے گی ہمیں یاد تمہاری ہر رنگ مبارک رہے ہر طرح مبارک غیروں کو کرم اور ہمیں بیداد تمہاری سو جائے بڑے چین سے بیمار شب غم راتوں کو نہ آ جائے اگر یاد تمہاری یہ چیز بھی ممکن ہے کہ ہم بھول بھی جائیں اب تک تو ہمیں یاد ہے بیداد تمہاری رو دیتے ہو تم سن کے کسی نام کو اکثر عادت نہیں جاتی ہے یہ بہزادؔ تمہاری
English rendering
Baatein na kare kyun dil-e-naashad tumhari Har waqt satati hai use yaad tumhari Kuch munh se nahin kehte hain hum ishq ke maare Khamosh saha karte hain bedaad tumhari Aankhon mein bhare kis ke hain aansu ye bataao Fariyaad hamari hai ke fariyaad tumhari Hum to ye samajhte hain ke tum mil bhi gaye to Bechain hi rakhegi hamein yaad tumhari Har rang mubarak rahe, har tarah mubarak Gairon ko karam aur hamein bedaad tumhari So jaaye bade chain se beemar-e-shab-e-gham Raaton ko na aa jaaye agar yaad tumhari Ye cheez bhi mumkin hai ke hum bhool bhi jaayen Ab tak to hamein yaad hai bedaad tumhari Ro dete ho tum sun ke kisi naam ko aksar Aadat nahin jaati hai ye Behzad tumhari