جو وہ بزم میں بے نقاب آ گیا
جو وہ بزم میں بے نقاب آ گیا ہر اک چیز پر اک شباب آ گیا جبھی میری بے چینیاں بڑھ گئیں کہ وہ وجہ صد اضطراب آ گیا ستم بھی کئے اس نے بے انتہا مجھے لطف بھی بے حساب آ گیا گئی کیا خزاں کیا یہ آئی بہار مری جان پر اک عذاب آ گیا ابھی کرنے پایا نہ تھا میں سوال کہ ان کے لبوں پر جواب آ گیا نہ وہ سن سکے اور نہ میں کہہ سکا نظر کو نظر سے حجاب آ گیا ادھر اس نے ڈالی نظر میں نظر ادھر ہم کو لطف شراب آ گیا سمجھ میں نہ آیا یہ انداز نو مجھے دیکھ کر کیوں حجاب آ گیا مجھے دیکھتے ہی وہ فرما اٹھے وہ بہزادؔ خانہ خراب آ گیا
English rendering
Jo woh bazm mein be-naqaab aa gaya Har ek cheez par ek shabab aa gaya Jabhi meri be-chainiyan badh gayeen Ke woh wajah-e-sad-iztirab aa gaya Sitam bhi kiye us ne be-intiha Mujhe lutf bhi be-hisab aa gaya Gayi kya khizan kya yeh aayi bahar Meri jaan par ek azaab aa gaya Abhi karne paya na tha main sawal Ke un ke labon par jawab aa gaya Na woh sun sake aur na main keh saka Nazar ko nazar se hijaab aa gaya Idhar us ne daali nazar mein nazar Idhar hum ko lutf-e-sharab aa gaya Samajh mein na aaya yeh andaaz-e-nau Mujhe dekh kar kyun hijaab aa gaya Mujhe dekhte hi woh farma uthe Woh Behzad khaana kharab aa gaya