یہ تو جو آ کے بڑا غمگسار بنتا ہے
یہ تو جو آ کے بڑا غمگسار بنتا ہے ترا دلاسہ طبیعت پہ بار بنتا ہے ہم ایسی راہ کے پتھر بنے غنیمت ہے بڑے بڑوں کا جہاں پر غبار بنتا ہے دیار عشق میں روزی نہیں لکھی سب کی کسی کسی کا یہاں کاروبار بنتا ہے یہ ہم جو آتے نہیں ہیں کسی بھی گنتی میں ہمارا بھی تو کہیں پر شمار بنتا ہے گئے دنوں کے خسارے گنے تو یاد آیا تیری طرف میرا کافی ادھار بنتا ہے
English rendering
Yeh tu jo aa ke bada ghamgusar banta hai Tera dilasa tabiyat pe baar banta hai Hum aisi raah ke patthar bane, ghaneemat hai Bade badon ka jahan par ghubaar banta hai Diyar-e-ishq mein rozi nahin likhi sab ki Kisi kisi ka yahan kaarobar banta hai Yeh hum jo aate nahin hain kisi bhi ginti mein Hamara bhi toh kahin par shumaar banta hai Gaye dinon ke khasaare gine toh yaad aaya Teri taraf mera kaafi udhaar banta hai