''آپ کی یاد آتی رہی رات بھر''
''آپ کی یاد آتی رہی رات بھر'' چاندنی دل دکھاتی رہی رات بھر گاہ جلتی ہوئی گاہ بجھتی ہوئی شمع غم جھلملاتی رہی رات بھر کوئی خوشبو بدلتی رہی پیرہن کوئی تصویر گاتی رہی رات بھر پھر صبا سایۂ شاخ گل کے تلے کوئی قصہ سناتی رہی رات بھر جو نہ آیا اسے کوئی زنجیر در ہر صدا پر بلاتی رہی رات بھر ایک امید سے دل بہلتا رہا اک تمنا ستاتی رہی رات بھر
English rendering
''Aap ki yaad aati rahi raat bhar'' Chandni dil dikhati rahi raat bhar Gaah jalti hui gaah bujhti hui Shama-e-gham jhilmilati rahi raat bhar Koi khushboo badalti rahi pairahan Koi tasveer gaati rahi raat bhar Phir saba saaye shakh-e-gul ke tale Koi qissa sunati rahi raat bhar Jo na aaya use koi zanjeer-e-dar Har sada par bulati rahi raat bhar Ek umeed se dil behalta raha Ek tamanna satati rahi raat bhar