فیض احمد فیض

English rendering

Zulmat ko ziya sarsar ko saba bande ko Khuda kya likhna Patthar ko gauhar deewar ko dar kargas ko huma kya likhna Ek hashar bapa hai ghar mein dam ghutta hai gumbad-e-be-dar mein Ek shakhs ke haathon muddat se ruswa hai watan duniya bhar mein Aye deedah-waron is zillat ko qismat ka likha kya likhna Zulmat ko ziya sarsar ko saba bande ko Khuda kya likhna Yeh ehl-e-hasham yeh Daara-o-Jam sab naqsh bar aab hain aye humdum Mit jaayenge sab parwarda-e-shab aye ehl-e-wafa reh jaayenge hum Ho jaan ka ziyan par qatil ko masoom ada kya likhna Zulmat ko ziya sarsar ko saba bande ko Khuda kya likhna Logon pe hi hum ne jaan waari ki hum ne hi unhi ki gham-khwari Hote hain toh hon yeh haath qalam shayar na banenge darbari Iblees numa insano ki aye dost sana kya likhna Zulmat ko ziya sarsar ko saba bande ko Khuda kya likhna Haq baat pe kodhay aur zindan batil ke shikanje mein hai yeh jaan Insan hain ke sehame baithe hain khoonkhar darinde hain raqsan Is zulm-o-sitam ko lutf-o-karam is dukh ko dawa kya likhna Zulmat ko ziya sarsar ko saba bande ko Khuda kya likhna Har shaam yahan shaam-e-veeran aaseb zada raste galiyan Jis shehar ki dhun mein nikle the woh shehar-e-dil barbaad kahan Sehra ko chaman ban kar gulshan badal ko rida kya likhna Zulmat ko ziya sarsar ko saba bande ko Khuda kya likhna Aye mere watan ke fan-karo zulmat pe na apna fan waaro Yeh mahal saraon ke baasi qatil hain sabhi apne yaaro Virsey mein humein yeh gham hai mila is gham ko naya kya likhna Zulmat ko ziya sarsar ko saba bande ko Khuda kya likhna