اب جو کوئی پوچھے بھی تو اس سے کیا شرح حالات کریں — فیض احمد فیض
شاعر
اب جو کوئی پوچھے بھی تو اس سے کیا شرح حالات کریں
اب جو کوئی پوچھے بھی تو اس سے کیا شرح حالات کریں
دل ٹھہرے تو درد سنائیں درد تھمے تو بات کریں
شام ہوئی پھر جوش قدح نے بزم حریفاں روشن کی
گھر کو آگ لگائیں ہم بھی روشن اپنی رات کریں
قتل دل و جاں اپنے سر ہے اپنا لہو اپنی گردن پہ
مہر بہ لب بیٹھے ہیں کس کا شکوہ کس کے ساتھ کریں
ہجر میں شب بھر درد و طلب کے چاند ستارے ساتھ رہے
صبح کی ویرانی میں یارو کیسے بسر اوقات کریں
Ab jo koi poochhe bhi to us se kya sharh-e-halat karein
Ab jo koi poochhe bhi to us se kya sharh-e-halat karein
Dil thehre to dard sunayein dard thame to baat karein
Sham hui phir josh-e-qadah ne bazm-e-hareefan roshan ki
Ghar ko aag lagayein hum bhi roshan apni raat karein
Qatl-e-dil-o-jaan apne sar hai apna lahoo apni gardan pe
Mehr ba lab baithe hain kis ka shikwa kis ke saath karein
Hijr mein shab bhar dard-o-talab ke chand sitare saath rahe
Subh ki veerani mein yaro kaise basar auqat karein