یوں سجا چاند کہ جھلکا ترے انداز کا رنگ — فیض احمد فیض
شاعر
یوں سجا چاند کہ جھلکا ترے انداز کا رنگ
یوں سجا چاند کہ جھلکا ترے انداز کا رنگ
یوں فضا مہکی کہ بدلا مرے ہم راز کا رنگ
سایۂ چشم میں حیراں رخ روشن کا جمال
سرخیٔ لب میں پریشاں تری آواز کا رنگ
بے پیے ہوں کہ اگر لطف کرو آخر شب
شیشۂ مے میں ڈھلے صبح کے آغاز کا رنگ
چنگ و نے رنگ پہ تھے اپنے لہو کے دم سے
دل نے لے بدلی تو مدھم ہوا ہر ساز کا رنگ
اک سخن اور کہ پھر رنگ تکلم تیرا
حرف سادہ کو عنایت کرے اعجاز کا رنگ
Yun Saja Chand Ke Jhalka Tere Andaaz Ka Rang
Yun saja chand ke jhalka tere andaaz ka rang
Yun fiza mehki ke badla mere hum-raaz ka rang
Saya-e-chashm mein hairan rukh-e-raushan ka jamal
Surkhi-e-lab mein pareshan teri awaaz ka rang
Be piye hoon ke agar lutf karo aakhir-e-shab
Sheesha-e-mai mein dhale subh ke aaghaz ka rang
Chang o nay rang pe the apne lahoo ke dam se
Dil ne lay badli to madham hua har saaz ka rang
Ek sukhan aur ke phir rang-e-takallum tera
Harf-e-sada ko inayat kare ejaz ka rang