یہ کس خلش نے پھر اس دل میں آشیانہ کیا — فیض احمد فیض
شاعر
یہ کس خلش نے پھر اس دل میں آشیانہ کیا
یہ کس خلش نے پھر اس دل میں آشیانہ کیا
پھر آج کس نے سخن ہم سے غائبانہ کیا
غم جہاں ہو رخ یار ہو کہ دست عدو
سلوک جس سے کیا ہم نے عاشقانہ کیا
تھے خاک راہ بھی ہم لوگ قہر طوفاں بھی
سہا تو کیا نہ سہا اور کیا تو کیا نہ کیا
خوشا کہ آج ہر اک مدعی کے لب پر ہے
وہ راز جس نے ہمیں راندۂ زمانہ کیا
وہ حیلہ گر جو وفا جو بھی ہے جفاخو بھی
کیا بھی فیضؔ تو کس بت سے دوستانہ کیا
Yeh Kis Khalish Ne Phir Is Dil Mein Aashiyana Kiya
Yeh kis khalish ne phir is dil mein aashiyana kiya
Phir aaj kis ne sukhan hum se ghaibana kiya
Gham-e-jahan ho rukh-e-yar ho ke dast-e-adoo
Sulook jis se kiya hum ne aashiqana kiya
The khak-e-rah bhi hum log qahr-e-toofan bhi
Saha to kya na saha aur kya to kya na kiya
Khusha ke aaj har ek mudda'i ke lab par hai
Woh raaz jis ne hamein raanda-e-zamana kiya
Woh hila-gar jo wafa jo bhi hai jafaa-kho bhi
Kiya bhi Faiz to kis but se dostana kiya