یہ جفائے غم کا چارہ وہ نجات دل کا عالم — فیض احمد فیض
شاعر
یہ جفائے غم کا چارہ وہ نجات دل کا عالم
یہ جفائے غم کا چارہ وہ نجات دل کا عالم
ترا حسن دست عیسیٰ تری یاد روئے مریم
دل و جاں فدائے راہے کبھی آ کے دیکھ ہمدم
سر کوئے دل فگاراں شب آرزو کا عالم
تری دید سے سوا ہے ترے شوق میں بہاراں
وہ چمن جہاں گری ہے ترے گیسوؤں کی شبنم
یہ عجب قیامتیں ہیں ترے رہ گزر میں گزراں
نہ ہوا کہ مر مٹیں ہم نہ ہوا کہ جی اٹھیں ہم
لو سنی گئی ہماری یوں پھرے ہیں دن کہ پھر سے
وہی گوشۂ قفس ہے وہی فصل گل کا ماتم
Yeh Jafa-e-Gham Ka Chara Woh Nijat-e-Dil Ka Aalam
Yeh jafa-e-gham ka chara woh nijat-e-dil ka aalam
Tera husn-e-dast-e-Eesa teri yaad roo-e-Maryam
Dil o jaan fida-e-rahe kabhi aa ke dekh humdam
Sar-e-koo-e-dil-figaran shab-e-arzoo ka aalam
Teri deed se siwa hai tere shauq mein baharan
Woh chaman jahan giri hai tere gesuon ki shabnam
Yeh ajab qayamatain hain tere reh-guzar mein guzran
Na hua ke mar mitain hum na hua ke jee uthein hum
Lo suni gayi hamari yun phire hain din ke phir se
Wohi gosha-e-qafas hai wohi fasl-e-gul ka matam