چشم میگوں ذرا ادھر کر دے — فیض احمد فیض
شاعر
چشم میگوں ذرا ادھر کر دے
چشم میگوں ذرا ادھر کر دے
دست قدرت کو بے اثر کر دے
تیز ہے آج درد دل ساقی
تلخی مے کو تیز تر کر دے
جوش وحشت ہے تشنہ کام ابھی
چاک دامن کو تا جگر کر دے
میری قسمت سے کھیلنے والے
مجھ کو قسمت سے بے خبر کر دے
لٹ رہی ہے مری متاع نیاز
کاش وہ اس طرف نظر کر دے
فیضؔ تکمیل آرزو معلوم
ہو سکے تو یوں ہی بسر کر دے
Chashm-e-maigoon zara idhar kar de
Chashm-e-maigoon zara idhar kar de
Dast-e-qudrat ko be-asar kar de
Tez hai aaj dard-e-dil saqi
Talkhi-e-may ko tez-tar kar de
Josh-e-wahshat hai tishna-kaam abhi
Chak-e-daman ko ta jigar kar de
Meri qismat se khelne wale
Mujh ko qismat se be-khabar kar de
Lut rahi hai meri mata-e-niyaz
Kaash woh is taraf nazar kar de
Faiz! takmeel-e-aarzoo maloom
Ho sake to yun hi basar kar de