دربار میں اب سطوت شاہی کی علامت — فیض احمد فیض
شاعر
دربار میں اب سطوت شاہی کی علامت
دربار میں اب سطوت شاہی کی علامت
درباں کا عصا ہے کہ مصنف کا قلم ہے
آوارہ ہے پھر کوہ ندا پر جو بشارت
تمہید مسرت ہے کہ طول شب غم ہے
جس دھجی کو گلیوں میں لیے پھرتے ہیں طفلاں
یہ میرا گریباں ہے کہ لشکر کا علم ہے
جس نور سے ہے شہر کی دیوار درخشاں
یہ خون شہیداں ہے کہ زر خانۂ جم ہے
حلقہ کیے بیٹھے رہو اک شمع کو یارو
کچھ روشنی باقی تو ہے ہر چند کہ کم ہے
Darbar mein ab satwat-e-shahi ki alamat
Darbar mein ab satwat-e-shahi ki alamat
Darban ka asa hai ke musannif ka qalam hai
Aawara hai phir koh-e-nida par jo basharat
Tamheed-e-masarrat hai ke tool-e-shab-e-gham hai
Jis dhajji ko galiyon mein liye phirte hain tiflan
Yeh mera gireban hai ke lashkar ka alam hai
Jis noor se hai shahar ki deewar darakhshaan
Yeh khoon-e-shaheeda'n hai ke zar khana-e-jam hai
Halqa kiye baiThe raho ek shama ko yaaro
Kuch roshni baqi to hai har chand ke kam hai