گرمئ شوق نظارہ کا اثر تو دیکھو — فیض احمد فیض
شاعر
گرمئ شوق نظارہ کا اثر تو دیکھو
گرمئ شوق نظارہ کا اثر تو دیکھو
گل کھلے جاتے ہیں وہ سایۂ تر تو دیکھو
ایسے ناداں بھی نہ تھے جاں سے گزرنے والے
ناصحو پند گرو راہ گزر تو دیکھو
وہ تو وہ ہے تمہیں ہو جائے گی الفت مجھ سے
اک نظر تم مرے محبوب نظر تو دیکھو
وہ جو اب چاک گریباں بھی نہیں کرتے ہیں
دیکھنے والو کبھی ان کا جگر تو دیکھو
دامن درد کو گلزار بنا رکھا ہے
آؤ اک دن دل پرخوں کا ہنر تو دیکھو
صبح کی طرح جھمکتا ہے شب غم کا افق
فیضؔ تابندگئ دیدۂ تر تو دیکھو
Garmi-e-shauq-e-nazaara ka asar to dekho
Garmi-e-shauq-e-nazaara ka asar to dekho
Gul khile jaate hain woh saya-e-tar to dekho
Aise nadaan bhi na the jaan se guzarne wale
Naseho pind garu rah-guzar to dekho
Woh to woh hai tumhein ho jaayegi ulfat mujh se
Ek nazar tum mere mehboob-e-nazar to dekho
Woh jo ab chak-e-gireban bhi nahin karte hain
Dekhne walo kabhi un ka jigar to dekho
Daman-e-dard ko gulzar bana rakha hai
Aao ek din dil-e-pur-khoon ka hunar to dekho
Subh ki tarah jhamakta hai shab-e-gham ka ufaq
Faiz! tabindagi-e-deeda-e-tar to dekho