حیراں ہے جبیں آج کدھر سجدہ روا ہے — فیض احمد فیض
شاعر
حیراں ہے جبیں آج کدھر سجدہ روا ہے
حیراں ہے جبیں آج کدھر سجدہ روا ہے
سر پر ہیں خداوند سر عرش خدا ہے
کب تک اسے سینچو گے تمنائے ثمر میں
یہ صبر کا پودا تو نہ پھولا نہ پھلا ہے
ملتا ہے خراج اس کو تری نان جویں سے
ہر بادشہ وقت ترے در کا گدا ہے
ہر ایک عقوبت سے ہے تلخی میں سوا تر
وہ رنگ جو ناکردہ گناہوں کی سزا ہے
احسان لیے کتنے مسیحا نفسوں کے
کیا کیجیے دل کا نہ جلا ہے نہ بجھا ہے
Hairan hai jabeen aaj kidhar sajda rawa hai
Hairan hai jabeen aaj kidhar sajda rawa hai
Sar par hain Khudaawand sar-e-arsh Khuda hai
Kab tak use seencho ge tamanna-e-samar mein
Yeh sabr ka pauda to na phoola na phala hai
Milta hai khiraj us ko teri naan-e-javein se
Har badshah-e-waqt tere dar ka gada hai
Har ek uqobat se hai talkhi mein siwa tar
Woh rang jo nakarda gunahon ki saza hai
Ehsaan liye kitne Maseeha-nafs'on ke
Kya keejiye dil ka na jala hai na bujha hai