ہم نے سب شعر میں سنوارے تھے — فیض احمد فیض
شاعر
ہم نے سب شعر میں سنوارے تھے
ہم نے سب شعر میں سنوارے تھے
ہم سے جتنے سخن تمہارے تھے
رنگ و خوشبو کے حسن و خوبی کے
تم سے تھے جتنے استعارے تھے
تیرے قول و قرار سے پہلے
اپنے کچھ اور بھی سہارے تھے
جب وہ لعل و گہر حساب کیے
جو ترے غم نے دل پہ وارے تھے
میرے دامن میں آ گرے سارے
جتنے طشت فلک میں تارے تھے
عمر جاوید کی دعا کرتے
فیضؔ اتنے وہ کب ہمارے تھے
Hum ne sab sher mein sanware the
Hum ne sab sher mein sanware the
Hum se jitne sukhan tumhare the
Rang-o-khushboo ke husn-o-khoobi ke
Tum se the jitne iste'are the
Tere qaul-o-qarar se pehle
Apne kuch aur bhi sahare the
Jab woh la'al-o-gohar hisab kiye
Jo tere gham ne dil pe waare the
Mere daman mein aa gire saare
Jitne tasht-e-falak mein taare the
Umar-e-javeed ki dua karte
Faiz! itne woh kab hamare the