ہم پر تمہاری چاہ کا الزام ہی تو ہے — فیض احمد فیض
شاعر
ہم پر تمہاری چاہ کا الزام ہی تو ہے
ہم پر تمہاری چاہ کا الزام ہی تو ہے
دشنام تو نہیں ہے یہ اکرام ہی تو ہے
کرتے ہیں جس پہ طعن کوئی جرم تو نہیں
شوق فضول و الفت ناکام ہی تو ہے
دل مدعی کے حرف ملامت سے شاد ہے
اے جان جاں یہ حرف ترا نام ہی تو ہے
دل ناامید تو نہیں ناکام ہی تو ہے
لمبی ہے غم کی شام مگر شام ہی تو ہے
دست فلک میں گردش تقدیر تو نہیں
دست فلک میں گردش ایام ہی تو ہے
آخر تو ایک روز کرے گی نظر وفا
وہ یار خوش خصال سر بام ہی تو ہے
بھیگی ہے رات فیضؔ غزل ابتدا کرو
وقت سرود درد کا ہنگام ہی تو ہے
Hum par tumhari chah ka ilzam hi to hai
Hum par tumhari chah ka ilzam hi to hai
Dushnaam to nahin hai yeh ikram hi to hai
Karte hain jis pe ta'an koi jurm to nahin
Shauq-e-fazool-o-ulfat-e-nakaam hi to hai
Dil mudda'i ke harf-e-malaamat se shad hai
Aye jaan-e-jaan yeh harf tera naam hi to hai
Dil naa-umeed to nahin nakaam hi to hai
Lambi hai gham ki shaam magar shaam hi to hai
Dast-e-falak mein gardish-e-taqdeer to nahin
Dast-e-falak mein gardish-e-ayyam hi to hai
Aakhir to ek roz karegi nazar-e-wafa
Woh yaar khush-khisaal sar-e-baam hi to hai
Bheegi hai raat Faiz! ghazal ibteda karo
Waqt-e-sarood-e-dard ka hungam hi to hai