عشق منت کش قرار نہیں — فیض احمد فیض
شاعر
عشق منت کش قرار نہیں
عشق منت کش قرار نہیں
حسن مجبور انتظار نہیں
تیری رنجش کی انتہا معلوم
حسرتوں کا مری شمار نہیں
اپنی نظریں بکھیر دے ساقی
مے بہ اندازۂ خمار نہیں
زیر لب ہے ابھی تبسم دوست
منتشر جلوۂ بہار نہیں
اپنی تکمیل کر رہا ہوں میں
ورنہ تجھ سے تو مجھ کو پیار نہیں
چارۂ انتظار کون کرے
تیری نفرت بھی استوار نہیں
فیضؔ زندہ رہیں وہ ہیں تو سہی
کیا ہوا گر وفا شعار نہیں
Ishq minnat-kash-e-qarar nahin
Ishq minnat-kash-e-qarar nahin
Husn majboor-e-intezar nahin
Teri ranjish ki inteha maloom
Hasraton ka meri shumar nahin
Apni nazrein bikhair de saqi
May ba-andaaza-e-khumar nahin
Zer-e-lab hai abhi tabassum-e-dost
Muntashir jalwa-e-bahar nahin
Apni takmeel kar raha hoon main
Warna tujh se to mujh ko pyar nahin
Chara-e-intezar kaun kare
Teri nafrat bhi ustavaar nahin
Faiz! zinda rahein woh hain to sahi
Kya hua gar wafa-sha'ar nahin