کب ٹھہرے گا درد اے دل کب رات بسر ہوگی — فیض احمد فیض
شاعر
کب ٹھہرے گا درد اے دل کب رات بسر ہوگی
کب ٹھہرے گا درد اے دل کب رات بسر ہوگی
سنتے تھے وہ آئیں گے سنتے تھے سحر ہوگی
کب جان لہو ہوگی کب اشک گہر ہوگا
کس دن تری شنوائی اے دیدۂ تر ہوگی
کب مہکے گی فصل گل کب بہکے گا مے خانہ
کب صبح سخن ہوگی کب شام نظر ہوگی
واعظ ہے نہ زاہد ہے ناصح ہے نہ قاتل ہے
اب شہر میں یاروں کی کس طرح بسر ہوگی
کب تک ابھی رہ دیکھیں اے قامت جانانہ
کب حشر معین ہے تجھ کو تو خبر ہوگی
Kab thehrega dard aye dil kab raat basar hogi
Kab thehrega dard aye dil kab raat basar hogi
Sunte the woh aayenge sunte the sahar hogi
Kab jaan lahoo hogi kab ashk gohar hoga
Kis din teri shunwayi aye deeda-e-tar hogi
Kab mehke gi fasl-e-gul kab behke ga may-khana
Kab subh-e-sukhan hogi kab sham-e-nazar hogi
Waiz hai na zahid hai naseh hai na qaatil hai
Ab shahar mein yaaron ki kis tarah basar hogi
Kab tak abhi rah dekhein aye qamat-e-jaanana
Kab hashr muayyan hai tujh ko to khabar hogi