کبھی کبھی یاد میں ابھرتے ہیں نقش ماضی مٹے مٹے سے — فیض احمد فیض
شاعر
کبھی کبھی یاد میں ابھرتے ہیں نقش ماضی مٹے مٹے سے
کبھی کبھی یاد میں ابھرتے ہیں نقش ماضی مٹے مٹے سے
وہ آزمائش دل و نظر کی وہ قربتیں سی وہ فاصلے سے
کبھی کبھی آرزو کے صحرا میں آ کے رکتے ہیں قافلے سے
وہ ساری باتیں لگاؤ کی سی وہ سارے عنواں وصال کے سے
نگاہ و دل کو قرار کیسا نشاط و غم میں کمی کہاں کی
وہ جب ملے ہیں تو ان سے ہر بار کی ہے الفت نئے سرے سے
بہت گراں ہے یہ عیش تنہا کہیں سبک تر کہیں گوارا
وہ درد پنہاں کہ ساری دنیا رفیق تھی جس کے واسطے سے
تمہیں کہو رند و محتسب میں ہے آج شب کون فرق ایسا
یہ آ کے بیٹھے ہیں میکدے میں وہ اٹھ کے آئے ہیں میکدے سے
Kabhi kabhi yaad mein ubharte hain naqsh-e-maazi miTe miTe se
Kabhi kabhi yaad mein ubharte hain naqsh-e-maazi miTe miTe se
Woh azmaish-e-dil-o-nazar ki woh qurbatein si woh fasle se
Kabhi kabhi aarzoo ke sehra mein aa ke rukte hain qafle se
Woh saari baatein lagao ki si woh saare unwan-e-visal ke se
Nigah-o-dil ko qarar kaisa nishaat-o-gham mein kami kahan ki
Woh jab mile hain to un se har baar ki hai ulfat naye sire se
Bohat giran hai yeh aish-e-tanha kahin sabuk-tar kahin gawara
Woh dard-e-pinha'n ke saari duniya rafeeq thi jis ke waste se
Tumhein kaho rind-o-muhtasib mein hai aaj shab ko kaun farq aisa
Yeh aa ke baiThe hain maykade mein woh uth ke aaye hain maykade se