قرض نگاہ یار ادا کر چکے ہیں ہم — فیض احمد فیض
شاعر
قرض نگاہ یار ادا کر چکے ہیں ہم
قرض نگاہ یار ادا کر چکے ہیں ہم
سب کچھ نثار راہ وفا کر چکے ہیں ہم
کچھ امتحان دست جفا کر چکے ہیں ہم
کچھ ان کی دسترس کا پتا کر چکے ہیں ہم
اب احتیاط کی کوئی صورت نہیں رہی
قاتل سے رسم و راہ سوا کر چکے ہیں ہم
دیکھیں ہے کون کون ضرورت نہیں رہی
کوئے ستم میں سب کو خفا کر چکے ہیں ہم
اب اپنا اختیار ہے چاہے جہاں چلیں
رہبر سے اپنی راہ جدا کر چکے ہیں ہم
ان کی نظر میں کیا کریں پھیکا ہے اب بھی رنگ
جتنا لہو تھا صرف قبا کر چکے ہیں ہم
کچھ اپنے دل کی خو کا بھی شکرانہ چاہیے
سو بار ان کی خو کا گلا کر چکے ہیں ہم
Qarz-e-nigah-e-yaar ada kar chuke hain hum
Qarz-e-nigah-e-yaar ada kar chuke hain hum
Sab kuch nisar-e-rah-e-wafa kar chuke hain hum
Kuch imtihan-e-dast-e-jafa kar chuke hain hum
Kuch un ki dastaras ka pata kar chuke hain hum
Ab ehtiyat ki koi soorat nahin rahi
Qatil se rasm-o-rah siwa kar chuke hain hum
Dekhen hai kaun kaun zaroorat nahin rahi
Koo-e-sitam mein sab ko khafa kar chuke hain hum
Ab apna ikhtiyar hai chahe jahan chalein
Rahbar se apni rah juda kar chuke hain hum
Un ki nazar mein kya karein pheeka hai ab bhi rang
Jitna lahoo tha sirf-e-qaba kar chuke hain hum
Kuch apne dil ki kho ka bhi shukrana chahiye
So baar un ki kho ka gila kar chuke hain hum