فیض احمد فیض

English rendering

Rang pairahan ka khushboo zulf lehrane ka naam Mausam-e-gul hai tumhare baam par aane ka naam Dosto is chashm-o-lab ki kuch kaho jis ke baghair Gulistan ki baat rangeen hai na mai-khane ka naam Phir nazar mein phool mehke dil mein phir shama'ein jalīñ Phir tasavvur ne liya us bazm mein jaane ka naam Dilbari thehra zaban-e-khalq khulwane ka naam Ab nahin lete pari-roo zulf bikhrane ka naam Ab kisi Laila ko bhi iqrar-e-mehboobi nahin In dinon badnaam hai har ek deewane ka naam Mohtasib ki khair ooncha hai usi ke faiz se Rind ka saaqi ka mai ka khum ka paimane ka naam Hum se kehte hain chaman wale ghariban-e-chaman Tum koi achha sa rakh lo apne veerane ka naam Faiz un ko hai taqaza-e-wafa hum se jinhein Aashna ke naam se pyara hai beegane ka naam