سبھی کچھ ہے تیرا دیا ہوا سبھی راحتیں سبھی کلفتیں — فیض احمد فیض
شاعر
سبھی کچھ ہے تیرا دیا ہوا سبھی راحتیں سبھی کلفتیں
سبھی کچھ ہے تیرا دیا ہوا سبھی راحتیں سبھی کلفتیں
کبھی صحبتیں کبھی فرقتیں کبھی دوریاں کبھی قربتیں
یہ سخن جو ہم نے رقم کیے یہ ہیں سب ورق تری یاد کے
کوئی لمحہ صبح وصال کا کوئی شام ہجر کی مدتیں
جو تمہاری مان لیں ناصحا تو رہے گا دامن دل میں کیا
نہ کسی عدو کی عداوتیں نہ کسی صنم کی مروتیں
چلو آؤ تم کو دکھائیں ہم جو بچا ہے مقتل شہر میں
یہ مزار اہل صفا کے ہیں یہ ہیں اہل صدق کی تربتیں
مری جان آج کا غم نہ کر کہ نہ جانے کاتب وقت نے
کسی اپنے کل میں بھی بھول کر کہیں لکھ رکھی ہوں مسرتیں
Sabhi Kuchh Hai Tera Diya Hua Sabhi Rahtein Sabhi Kulfatein
Sabhi kuchh hai tera diya hua sabhi rahtein sabhi kulfatein
Kabhi sohbatain kabhi furqatain kabhi dooriyan kabhi qurbatain
Yeh sukhan jo hum ne raqam kiye yeh hain sab waraq teri yaad ke
Koi lamha subh-e-visal ka koi shaam-e-hijr ki muddatein
Jo tumhari maan lein naseha to rahega daaman-e-dil mein kya
Na kisi adoo ki adavatein na kisi sanam ki murawwatein
Chalo aao tum ko dikhayen hum jo bacha hai maqtal-e-shehar mein
Yeh mazaar-e-ahl-e-safa ke hain yeh hain ahl-e-sidq ki turbatein
Meri jaan aaj ka gham na kar ke na jaane kaatib-e-waqt ne
Kisi apne kal mein bhi bhool kar kahin likh rakhi hon musarratein