شام فراق اب نہ پوچھ آئی اور آ کے ٹل گئی
شام فراق اب نہ پوچھ آئی اور آ کے ٹل گئی دل تھا کہ پھر بہل گیا جاں تھی کہ پھر سنبھل گئی بزم خیال میں ترے حسن کی شمع جل گئی درد کا چاند بجھ گیا ہجر کی رات ڈھل گئی جب تجھے یاد کر لیا صبح مہک مہک اٹھی جب ترا غم جگا لیا رات مچل مچل گئی دل سے تو ہر معاملہ کر کے چلے تھے صاف ہم کہنے میں ان کے سامنے بات بدل بدل گئی آخر شب کے ہم سفر فیضؔ نہ جانے کیا ہوئے رہ گئی کس جگہ صبا صبح کدھر نکل گئی
English rendering
Shaam-e-firaq ab na poochh aai aur aa ke tal gayi Dil tha ke phir behal gaya jaan thi ke phir sambhal gayi Bazm-e-khayal mein tere husn ki shama' jal gayi Dard ka chand bujh gaya hijr ki raat dhal gayi Jab tujhe yaad kar liya subh mehak mehak uthi Jab tera gham jaga liya raat machal machal gayi Dil se to har mu'amla kar ke chale the saaf hum Kehne mein un ke saamne baat badal badal gayi Aakhir-e-shab ke hum safar Faiz na jaane kya hue Reh gayi kis jagah saba subh kidhar nikal gayi