شیخ صاحب سے رسم و راہ نہ کی — فیض احمد فیض
شاعر
شیخ صاحب سے رسم و راہ نہ کی
شیخ صاحب سے رسم و راہ نہ کی
شکر ہے زندگی تباہ نہ کی
تجھ کو دیکھا تو سیر چشم ہوئے
تجھ کو چاہا تو اور چاہ نہ کی
تیرے دست ستم کا عجز نہیں
دل ہی کافر تھا جس نے آہ نہ کی
تھے شب ہجر کام اور بہت
ہم نے فکر دل تباہ نہ کی
کون قاتل بچا ہے شہر میں فیضؔ
جس سے یاروں نے رسم و راہ نہ کی
Shaikh Sahib Se Rasm-o-Raah Na Ki
Shaikh sahib se rasm-o-raah na ki
Shukr hai zindagi tabah na ki
Tujh ko dekha to sair-chashm hue
Tujh ko chaha to aur chah na ki
Tere dast-e-sitam ka ajz nahin
Dil hi kafir tha jis ne aah na ki
The shab-e-hijr kaam aur bahut
Hum ne fikr-e-dil-e-tabah na ki
Kaun qatil bacha hai shehar mein Faiz
Jis se yaron ne rasm-o-raah na ki