ترے غم کو جاں کی تلاش تھی ترے جاں نثار چلے گئے — فیض احمد فیض
شاعر
ترے غم کو جاں کی تلاش تھی ترے جاں نثار چلے گئے
ترے غم کو جاں کی تلاش تھی ترے جاں نثار چلے گئے
تری رہ میں کرتے تھے سر طلب سر رہ گزار چلے گئے
تری کج ادائی سے ہار کے شب انتظار چلی گئی
مرے ضبط حال سے روٹھ کر مرے غم گسار چلے گئے
نہ سوال وصل نہ عرض غم نہ حکایتیں نہ شکایتیں
ترے عہد میں دل زار کے سبھی اختیار چلے گئے
یہ ہمیں تھے جن کے لباس پر سر رہ سیاہی لکھی گئی
یہی داغ تھے جو سجا کے ہم سر بزم یار چلے گئے
نہ رہا جنون رخ وفا یہ رسن یہ دار کرو گے کیا
جنہیں جرم عشق پہ ناز تھا وہ گناہ گار چلے گئے
Tere Gham Ko Jaan Ki Talash Thi Tere Jaan Nisar Chale Gaye
Tere gham ko jaan ki talash thi tere jaan-nisar chale gaye
Teri rah mein karte the sar talab sar-e-reh-guzar chale gaye
Teri kaj-adai se haar ke shab-e-intizar chali gayi
Mere zabt-e-haal se rooth kar mere gham-gusar chale gaye
Na sawal-e-vasl na arz-e-gham na hikayatain na shikayatain
Tere ahd mein dil-e-zaar ke sabhi ikhtiyar chale gaye
Yeh hameen the jin ke libas par sar-e-reh siyahi likhi gayi
Yahi daagh the jo saja ke hum sar-e-bazm-e-yar chale gaye
Na raha junoon-e-rukh-e-wafa yeh rasan yeh dar karoge kya
Jinhein jurm-e-ishq pe naaz tha woh gunahgar chale gaye