تری امید ترا انتظار جب سے ہے — فیض احمد فیض
شاعر
تری امید ترا انتظار جب سے ہے
تری امید ترا انتظار جب سے ہے
نہ شب کو دن سے شکایت نہ دن کو شب سے ہے
کسی کا درد ہو کرتے ہیں تیرے نام رقم
گلہ ہے جو بھی کسی سے ترے سبب سے ہے
ہوا ہے جب سے دل ناصبور بے قابو
کلام تجھ سے نظر کو بڑے ادب سے ہے
اگر شرر ہے تو بھڑکے جو پھول ہے تو کھلے
طرح طرح کی طلب تیرے رنگ لب سے ہے
کہاں گئے شب فرقت کے جاگنے والے
ستارۂ سحری ہم کلام کب سے ہے
Teri Ummeed Tera Intizar Jab Se Hai
Teri ummeed tera intizar jab se hai
Na shab ko din se shikayat na din ko shab se hai
Kisi ka dard ho karte hain tere naam raqam
Gila hai jo bhi kisi se tere sabab se hai
Hua hai jab se dil-e-nasaboor be-qaboo
Kalam tujh se nazar ko bade adab se hai
Agar sharar hai to bhadke jo phool hai to khule
Tarah tarah ki talab tere rang-e-lab se hai
Kahan gaye shab-e-furqat ke jaagne wale
Sitara-e-sehri hum-kalam kab se hai