سن حوا کی بیٹی
کوئی دن ایسا بھی آیا کیا تم جی پائی ہو اپنے لیے تم مر پائی ہو اپنے لیے کبھی کھل کر ہنسنا سیکھا ہو کسی خواب کو چھو کر دیکھا ہو جاگی ہو اپنی صبحوں میں کبھی سوئی اپنی آنکھ سے تم ڈالی ہو اپنی جھولی میں کبھی چاہت اپنے حصے کی کبھی تنہائی کے پیالے میں کوئی لمحہ امرت جیسا بھی کبھی روح کے صحرا میں گونجا کوئی نام خدا سے پیارا بھی کبھی زنگ آلود کواڑوں پر کسی گیت نے کوئی دستک دی کبھی گونگے بہرے لمحوں میں آسیب کوئی ہم زاد کوئی کبھی دل کا بوجھ اتارا بھی کوئی دن ایسا بھی آیا کیا تم جی پائی ہو اپنے لیے تم مر پائی ہو اپنے لیے
English rendering
Koi din aisa bhi aaya kya Tum jee paai ho apne liye Tum mar paai ho apne liye Kabhi khul kar hansna seekha ho Kisi khwab ko chhoo kar dekha ho Jaagi ho apni subhon mein Kabhi soyi apni aankh se tum Daali ho apni jholi mein Kabhi chahat apne hisse ki Kabhi tanhai ke piyale mein Koi lamha amrit jaisa bhi Kabhi rooh ke sehra mein goonja Koi naam Khuda se pyara bhi Kabhi zang aalood kiwaaron par Kisi geet ne koi dastak di Kabhi goonge behre lamhon mein Aaseb koi ham zaad koi Kabhi dil ka bojh utara bhi Koi din aisa bhi aaya kya Tum jee paai ho apne liye Tum mar paai ho apne liye