یہ کیسے موڑ پہ اک مہربان چھوڑ گیا
یہ کیسے موڑ پہ اک مہربان چھوڑ گیا ہوا کے رخ پہ کھلے بادبان چھوڑ گیا نوادرات کی قیمت لگانے نکلا تھا جو آبدار بدن پر نشان چھوڑ گیا تمام لوگ جسے قاتلوں کی صف میں رکھیں وہ میرے صحن میں اپنی کمان چھوڑ گیا در دعا سے تمناؤں کے دریچے تک وہ میرے واسطے اک امتحان چھوڑ گیا پہن لیا ہے اب اس نے بھی شہر کا لہجہ یہ کیا ہوا کہ وہ اپنی زبان چھوڑ گیا
English rendering
Yeh kaise mor pe ik mehrban chhor gaya Hawa ke rukh pe khule baadban chhor gaya Nawadirat ki qeemat lagane nikla tha Jo aabdar badan par nishan chhor gaya Tamam log jise qatilon ki saf mein rakhein Woh mere sehan mein apni kaman chhor gaya Dar-e-dua se tamannaon ke dareeche tak Woh mere waste ik imtihan chhor gaya Pehen liya hai ab us ne bhi shahr ka lehja Yeh kya hua ke woh apni zaban chhor gaya