سمیتا پاٹل
دل کے مندر میں خوشبو ہے لوبان کی، گھنٹیاں بج اٹھیں، دیو داسی تھی وہ کتنے سرکش اندھیروں میں جلتی رہی دیکھنے میں تو مشعل ذرا سی تھی وہ نور و نغمہ کی رم جھم پھواروں تلے مسکراتی ہوئی اک اداسی تھی وہ پانیوں کی فراوانیوں میں رواں اس کی حیرانیاں کتنی پیاسی تھی وہ حسن انساں سے فطرت کی سرگوشیاں گھل گئیں تیرے لہجے کی جھنکار میں فن کی تکمیل سچا سراپا ترا، بے زبانی کو لایا جو اظہار میں مدتوں تک نمائش کی خواہش رہی زندگی تب ڈھلی تیرے کردار میں جو تھی زندہ محبت کی بنیاد پر وقت نے چن دیا اس کو دیوار میں دھوپ ہر روپ میں، ریت ہر کھیت میں، فصل جذبات پر خشک سالی رہے دو گھڑی دل کسی کے خیالوں میں گم اور پھر عمر بھر بے خیالی رہے آئنہ اب ترستا رہے عکس کو اور نظر روشنی کی سوالی رہے میرے حصے کا یہ آنکھ بھر آسماں جگمگاتے ستارے سے خالی رہے
English rendering
Dil ke mandir mein khushbu hai lobaan ki, ghantiyan baj uthin, dev-dasi thi woh Kitne sarkash andheron mein jalti rahi dekhne mein to mash'al zara si thi woh Noor-o-naghma ki rim jhim phuaron tale muskurati hui ek udaasi thi woh Paniyon ki farawaniyon mein rawan us ki hairaniyan kitni pyaasi thi woh Husn-e-insan se fitrat ki sargoshiyan ghul gain tere lehje ki jhankaar mein Fan ki takmeel sacha sarapa tera, be-zabani ko laya jo izhaar mein Muddaton tak numaish ki khwahish rahi zindagi tab dhali tere kirdar mein Jo thi zinda mohabbat ki bunyad par waqt ne chun diya us ko deewar mein Dhoop har roop mein, ret har khet mein, fasl-e-jazbaat par khushk saali rahe Do ghadi dil kisi ke khayalon mein gum aur phir umar bhar be-khayali rahe Aaina ab tarasta rahe aks ko aur nazar roshni ki sawali rahe Mere hisse ka yeh aankh bhar aasman jagmagate sitare se khaali rahe