اے جنوں ہوتے ہیں صحرا پر اتارے شہر سے — حیدر علی آتش
شاعر
اے جنوں ہوتے ہیں صحرا پر اتارے شہر سے
اے جنوں ہوتے ہیں صحرا پر اتارے شہر سے
فصل گل آئی کہ دیوانے سدھارے شہر سے
خوب روئے حال پر اپنے وطن کا سن کے حال
کوئی غربت میں جو آ نکلا ہمارے شہر سے
جان دوں گا میں اسیر اے دوستو چپکے رہو
ذکر کیا اس کا کہ دیوانہ سدھارے شہر سے
موسم گل میں رہا زنداں میں اور آئی نہ موت
سامنے ہوتی نہیں ہے آنکھ سارے شہر سے
جوش وحشت میں جو لی زنداں سے میں نے راہ دشت
کود کاں مجھ کو خدا حافظ پکارے شہر سے
پاؤں میں مجنوں کے تو طاقت نہیں اے کودکو
موسم گل کی ہوا تم کو ابھارے شہر سے
اک نظر للہ ہم کو صورت زیبا دکھاؤ
تشنۂ دیدار جاتے ہیں تمہارے شہر سے
دشت گردی کی نہیں دیوانہ کو کچھ احتیاج
جامہ سے باہر جو ہے باہر ہے سارے شہر سے
چوٹ سی لگتی ہے دل جنگل سے ہوتا ہے اچاٹ
سنگ طفلاں کرتے ہیں مجھ کو اشارے شہر سے
جوش وحشت سے نہیں پہنچا میں صحرا تک ہنوز
جانے والے گور کے پہنچے کنارے شہر سے
موسم گل آئی نیت سیر دیوانوں کی ہو
میوۂ صحرائی پر ہیں منہ پسارے شہر سے
اب تو آزردہ ہے تو لیکن ملے گا ہاتھ پھر
جس گھڑی آتشؔ نکل جاوے گا پیارے شہر سے
Ai junūñ hote haiñ sahrā par utāre shahr se
Ai junūñ hote haiñ sahrā par utāre shahr se
Fasl-e-gul ā.ī ki dīvāne sudhāre shahr se
Khoob ro.e hāl par apne watan kā sun ke hāl
Koī ghurbat meñ jo ā niklā hamāre shahr se
Jaan dūñ gā maiñ asīr ai dosto chupke raho
Zikr kyā us kā ki dīvāna sudhāre shahr se
Mausam-e-gul meñ rahā zindāñ meñ aur ā.ī na maut
Sāmne hotī nahīñ hai āñkh saare shahr se
Josh-e-wahshat meñ jo lī zindāñ se maiñ ne rāh-e-dasht
Kood kāñ mujh ko ḳhudā hāfiz pukāre shahr se
Pā.oñ meñ majnūñ ke to tāqat nahīñ ai kūdako
Mausam-e-gul kī havā tum ko ubhāre shahr se
Ek nazar lillah ham ko sūrat-e-zebā dikhā.o
Tishna-e-dīdār jaate haiñ tumhāre shahr se
Dasht-gardī kī nahīñ dīvāne ko kuchh ehtiyāj
Jāma se bāhar jo hai bāhar hai saare shahr se
Choṭ sī lagtī hai dil jañgal se hotā hai uchāṭ
Sañg-e-tiflaañ karte haiñ mujh ko ishāre shahr se
Josh-e-wahshat se nahīñ pahuñchā maiñ sahrā tak hanūz
Jaane vaale gor ke pahuñche kināre shahr se
Mausam-e-gul ā.ī niyat sair-e-dīvānoñ kī ho
Mīva-e-sahrā.ī par haiñ muñh pasāre shahr se
Ab to āzurda hai tū lekin milegā hāth phir
Jis ghaṛī Aatish nikal jāve gā pyāre shahr se
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں