تیری جو یاد اے دل خواہ بھولا — حیدر علی آتش
شاعر
تیری جو یاد اے دل خواہ بھولا
تیری جو یاد اے دل خواہ بھولا
باللہ بھولا واللہ بھولا
فرقت کی شب میں جاں سوز دل نے
اف اف کیا جو آہ آہ بھولا
کج رکھ نہ پا کو جا دل سے غافل
پھیر اس نے کھایا جو راہ بھولا
زنار ڈالا تسبیح پھیکی
عشق صنم میں اللہ بھولا
خور نے گرایا اس کو نظر سے
جو ذرہ تیری درگاہ بھولا
زلف رسا کو سمجھا جو افعی
چوکا وہ قصر کوتاہ بھولا
دیکھے سے تیرا روئے منور
ہم مہر بھولا ہم ماہ بھولا
محروم رکھا ساقی نے ہم کو
اپنے گدا کو جم جاہ بھولا
بت خانہ چھوڑا باز آئے بت سے
وہ شہر بھولا وہ شاہ بھولا
شرط وفا کی کس بے وفا سے
آتشؔ سا عارف آگاہ بھولا
Terī jo yaad ai dil ḳhvāh bhūlā
Terī jo yaad ai dil ḳhvāh bhūlā
Billāh bhūlā wallāh bhūlā
Furqat kī shab meñ jaañ-soz dil ne
Uff uff kiyā jo āh āh bhūlā
Kaj rakh na pā ko jā dil se ghāfil
Phir us ne khāyā jo rāh bhūlā
Zunnār ḍālā tasbīh pheñkī
Ishq-e-sanam meñ allāh bhūlā
Khūr ne girāyā us ko nazar se
Jo zarra terī dargāh bhūlā
Zulf-e-rasā ko samjhā jo af'ī
Chaukā vo qasr-e-kotāh bhūlā
Dekhe se terā rū-e-munawwar
Ham mehr bhūlā ham māh bhūlā
Mahroom rakhā sāqī ne ham ko
Apne gadā ko Jam jāh bhūlā
But-ḳhāna chhoṛā baaz aa.e but se
Vo shahr bhūlā vo shāh bhūlā
Shart-e-wafā kī kis be-wafā se
Aatish sā aarif āgāh bhūlā
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں